Deputeti iranian i infektuar me koronavirusin e i ka vdekur, bën të ditur agjencia shtetërore e lajmeve.

Mohammad Ali Ramazani Dastak, i cili u zgjodh së fundmi si përfaqësuesi për Astana Ashrafieh, besohet se ka testuar pozitivisht për sëmundjen disa ditë më parë, transmeton portali arbresh.info.

Ai vdiq të shtunën në mëngjes pasi u dërgua në spital me “grip dhe lëndime kimike” të marra në luftën Iran-Irak, sipas Agjencisë së Lajmeve Studentore të Iranit.

Një zëdhënës i ministrisë së shëndetësisë tha që koronavirusi i ri kishte vrarë 43 njerëz në Republikën Islamike, mes 593 rasteve të konfirmuara.

“Fatkeqësisht nëntë njerëz vdiqën nga virusi në 24 orët e fundit,” tha Kianush Jahanpur për TV shtet. “Numri i të vdekurve është 43 tani.

“Rastet e reja të konfirmuara të infektuara që nga dita e djeshme është 205 që bën që numri i përgjithshëm i personave të infektuar të konfirmuar 593.”

Sidoqoftë zyrtarët në sistemin shëndetësor të Iranit i thanë BBC-së se të paktën 210 njerëz kanë vdekur si pasojë e sëmundjes. Autoritetet më parë janë akuzuar për fshehje të shifrave reale dhe SHBA-të kanë shprehur shqetësimin se ata nuk mund të ndajnë informacione./arbresh.info/